Şaxta baba paltarı geyinmiş, sərxoş olan bir qrup şəxs İngiltərənin Kornuoll ştatının Anqarrak kəndində zirehli tankla bara getməyə çalışıb. Belə hərəkətləri ilə onlar kiçik bir kənddə əsl xaosa səbəb olublar. Qəzəbli sakinlər polisə müraciət ediblər.
Elchi.az Britaniya mətbuatına istinadən bildirir ki, Milad ərəfəsində tankda olan bir qrup Santa Klaus Britaniya kəndlərinin birində dar küçədən keçməyə çalışıb və zirehli texnikanın dayanmış avtomobilə çırpılmasından sonra ilişib qalıb. Beləliklə, avtomobil keçidin qarşısını kəsib və bu qəzəbli kəndlilərin böyük hiddətinə səbəb olub. Onlar öz narazılıqlarını kişilərə söyüşlə ifadə edib və polis çağırıblar.
Məlum olub ki, Milad qəhrəmanı kimi geyinən kişilər köhnə zirehli texnikanı işə salan hərbi reenatorlardır. Polis isə şəxslərin sərxoş olmasını rəsmi təsdiq etməyib.
Eyni zamanda, yoxlamadan sonra heç kim həbs olunmayıb.
Ən maraqlısı odur ki, bundan əvvəl Kornuollda daha üç yaşayış məntəqəsində maskalı bir qrup kişi görünüb. Hadisə şahidlərinin sözlərinə görə, onlar çox mehriban davranıb və uşaqlara onlarla şəkil çəkdirməyə icazə veriblər.
Finlandiyada isə Milad mərasimi zamanı 18-ci əsrə aid taxta kilsə yanıb. Yanğın zamanı məbəddə təxminən 30-40 nəfər olub. Polis kilsənin qəsdən yandırıldığını güman edir.(sfera.az)
Son şərhlər