NATO-nun baş katibi Rutte: ABŞ Ukraynaya kəşfiyyat və silahla kömək etməyə davam edir.
Elchi.az xəbər verir ki, ABŞ Ukraynaya kəşfiyyatla kömək etməyə davam edir və avropalılarla birlikdə ölkəyə silah təchizatı təmin edir. NATO-nun baş katibi Mark Rutte bunu CBS News-a verdiyi müsahibədə bildirib.
Rutte qeyd edib ki, “Ukraynaya gəldikdə, ABŞ bir daha vacib kəşfiyyat dəstəyi və silah təchizatı təmin edir, Ukraynanın Rusiyaya qarşı mübarizəsini dəstəkləmək üçün avropalılarla işləyir və Kiyevin ehtiyac duyduğu hər şeyə sahib olmasını təmin edir”.
Müsahibədə Rutte həmçinin Ukrayna prezidenti Vladimir Zelenskinin Rusiya ilə sülh müqaviləsi bağlamaq istədiyini bildirib və ABŞ prezidenti Donald Trampın Rusiya prezidenti Vladimir Putinlə “dalanı” pozmağı bacaran yeganə siyasətçi olduğunu vurğulayıb.
19 martda Pentaqon katibi Pit Heqset ABŞ ordusunun sursatını Ukraynaya tədarük etmək əvəzinə, öz məqsədləri üçün istifadə etməli olduğunu bildirib.
Mart ayında “Politico” qəzeti Rusiyanın ABŞ-a təklif etdiyini və Vaşinqtonun Ukraynaya Rusiya hərbi obyektləri haqqında məlumat verməməsinin müqabilində Moskvanın İranla kəşfiyyat məlumatlarını paylaşmağı dayandıracağını bildirmişdi. Lakin medianın məlumatına görə, Amerika tərəfi bundan imtina edib.
Şayəstə
