Rusiyalıların 77%-i Vladimir Putinin prezident kimi fəaliyyətini təqdir edir. Respondentlərin 80,8%-i Rusiya liderinə güvəndiyini bildirib.
Elchi.az xəbər verir ki, bu rəqəmlər VTsIOM sorğusuna əsaslanır və nəticələri mərkəzin saytında yerləşdirilib.
Rusiya əhalisinin yarısından az hissəsi – 49,5%-i Rusiya hökumətinin fəaliyyətini bəyənir, 19,7%-i isə yox. Bu arada respondentlərin 60%-i baş nazir Mixail Mişustinə etimad göstərib.
“Vahid Rusiya” partiyasını rusların 35,2%-i, Rusiya Liberal Demokrat Partiyasını (LDPR) 10,7%-i, Rusiya Federasiyası Kommunist Partiyasını (KXCP) 8,8%-i, “Yeni insanlar”ı 7,7%-i, Ədalətli Rusiya – Vətənpərvərlər – Həqiqət naminə 5,4%-i dəstəkləyir. Respondentlərin qalan 9%-i parlamentdə olmayan partiyaları dəstəkləyib.
Sorğu dekabrın 15-dən 21-dək 18 yaşdan yuxarı 1600 rusiyalı arasında keçirilib.
Yeganə
