Rusiyada iri çay və qəhvə istehsalçıları çətin vəziyyəti əsas gətirərək, sentyabrdan pərakəndə satış qiymətlərini 6-9% aralığında artıracaqlar.
Elchi.az Ria.ru-ya istinadən xəbər verir ki, bu barədə Rusiyanın “Kommersant” qəzeti yazıb.
Qənnadı məmulatlarının qiyməti də 15% artacaq. Ərzaq bazarının bu seqmentləri ən çox xammalın idxalından asılıdır ki, bu da rublun devalvasiyası ilə yanaşı, kakao paxlasının və çayın məhsuldarlığının azalması səbəbindən bahalaşır.
“Kommersant” yazır ki, çay və qəhvə istehsalçısı olan “Maisky”, “Lisma”, “Curtis”, “Richard”, “Coffesso” markaları sentyabrın 1-dən satış qiymətlərinin 6-9 faiz artması barədə pərakəndə satıcıları məlumatlandırır. Şirkət bunu xammalın idxalı xərclərini kəskin şəkildə artıran rublun məzənnəsinin son vaxtlar yüksək dəyişkənliyi ilə izah edir. Məktubda deyilir: “Biz vəziyyəti çətin hesab edirik”.
Şirkət onu da qeyd edib ki, qəfil sıçrayışların qarşısını almaq üçün qiymət artımları mərhələli olacaq.
Ekspertlərin proqnozuna görə, bu ilin qışında Rusiyada qəhvə və çayın qiyməti 20% artacaq.
Yeganə
Son şərhlər