“Bölgədə xidmət aparan Rusiya SMQ komandanı artıq 5 dəfə dəyişdirilir. Xələf və sələflər heç biri bir birindən fərqlənmir. Belə ki, hər komdan dövründə Rusiya SMQ əraziyə qanunsuz silah daşımasına, mühəndis texniki qurğuların qurulması və eləcə də əraziyə 3 cü dövlətlərin vətəndaşlarının və diversantların keçməsinin şahidi olmuşuq”- bunu Elchi.az-a müsahibəsində politoloq Amid Əliyev deyib.
Onun sözlərinə görə bunlar 10 noyabr bəyanatının müddəalarına və Azərbaycanın milli təhlükəsizliyinə zidd olan addımlardır:”Yeni təyin olunan komandan Rusiya Müdafiə nazirinə yaxınlığı ilə tanınır və döyüş generalıdır. İndiki məqamda bu şəxain bölgəyə göndərilməsi Azərbaycan tərəfindən Laçın yolunda qurulan NBM ilə birbaşa bağlıdır. Çünki, görünən odur ki, Volkov Azərbaycanın bu iradəsi qarşısında gücüz qalmışdır. Yeni komandan artıq Azərbaycan nümayəndə heyəti ilə görüş keçirib. Ermənistan KİV məlumatına əsasən başlıca mövzu Laçın yoluna nəzarətin Rusiya SMQ tərəfindən nəzarət olunması və Azərbaycanın bu prosesi kənardan izləməsidir. Lakin, bunun qəbul edilməsi yenidən köhnə vəziyyətin gündəmə gətirilməsi kimi qiymətləndirilə bilər. Yenidən SMQ əraziyə qanunsuz daşımaları həyata keçirəcək, silahlar Azərbaycan əskərinə tuşlancaq və sonda sülh və reinteqrasiya prosesi gecikəcək. Bunu nəzərə alaraq Rusiya SMQ bu qisimdən olan təklifləri birmənalı şəkildə rədd edilməli, Azərbaycan dövlət sərhədinin mühafizəsi və ərazinin təhlükəsizliyi təmin olunmalıdır”.
Havar Şəfiyeva
Son şərhlər