Rusiya nüvə yanacağı Ukraynadan yan keçməklə Macarıstana çatdırılıb

Paks Atom Elektrik Stansiyasının (AES) istismarı üçün Rusiya nüvə yanacağı Ukraynadan yan keçən marşrutla Macarıstana çatdırılıb.
Elchi.az TASS-a istinadən xəbər verir ki , bunu Macarıstanın xarici işlər və xarici iqtisadi əlaqələr naziri Peter Siyarto bildirib.
Siyarto aydınlaşdırıb ki, yük Qara dənizdən keçərək Bolqarıstana, daha sonra isə qatarla Rumıniyadan keçərək Macarıstana çatdırılıb. Onun sözlərinə görə, ilin əvvəlindən bu partiya Rusiyadan AES-lər üçün üçüncü nüvə yanacağının tədarükü olub.
Nazir vurğulayıb ki, ölkəyə Rusiya yanacağının gələcək tədarükü müntəzəm olacaq və Macarıstanın Paks AES-i idarə edən MVM şirkətinin bölməsi ilə Rosatom arasında bağlanmış müqaviləyə uyğun olaraq həyata keçiriləcək .
“Bu, atom elektrik stansiyasının təhlükəsiz və proqnozlaşdırıla bilən işinə zəmanət verir”, – o deyib.
Bu arada, daha əvvəl bildirilib ki, Macarıstan Rusiyadan enerji asılılığını azaltmaq və Paks AES-ni Rusiyadan Fransa yanacağına keçirmək qərarına gəlib. Baş nazir Viktor Orban bildirib ki, bu hədəf hökumətin qarşıdakı illər üçün hədəfləri sırasındadır.

Nuranə Məmmədova