Rusiya İsraili İranın nüvə obyektlərinə hücumları dayandırmağa çağırıb və Buşəhr AES-də rusiyalı mütəxəssislərin təhlükəsizliyindən narahat olduğunu bildirib.
Elchi.az xəbər verir ki, Zaxarova Sankt-Peterburq Beynəlxalq İqtisadi Forumunda (SPIEF) mətbuat konfransında İsrailin İrana şiddətli hücumları ilə başlayan münaqişə ilə bağlı açıqlamalar verib.
Zaxarova Yaxın Şərqdə ən təhlükəli həddə çatan gərginliyin davam etdiyini və bunun İsrailin Birləşmiş Millətlər Təşkilatının (BMT) Nizamnaməsinə və beynəlxalq hüquq normalarına zidd olaraq İrana qarşı aqressiv hərəkətləri ilə bağlı olduğunu bildirib.
İsrailin hücumlarını qınadıqlarını ifadə edən Zaxarova, “Bu, regional və qlobal təhlükəsizlik üçün mənfi nəticələrə gətirib çıxara bilər. Bu hücumları yanlış narahatlıqlarla əsaslandırmaq cəhdləri utancvericidir” dedi. Hücumlar nəticəsində çoxlu mülki vətəndaşın həyatını itirdiyini xatırladan Zaxarova vəziyyətin həyəcan verici olduğunu bildirib və bunları qeyd edib:
“İsrailin dinc nüvə obyektlərinə hücumları qətiyyən qəbuledilməzdir. Bu, beynəlxalq hüquq baxımından qeyri-qanunidir, beynəlxalq təhlükəsizliyə qəbuledilməz təhdid yaradır və dünyanı nüvə fəlakətinə sürükləyir. Nəticələr İsrail də daxil olmaqla, hər yerdə hiss olunacaq. Biz İsrail hökumətini İranın nüvə obyektlərinə hücumlarını dərhal dayandırmağa çağırırıq. rusiyalı mütəxəssislərin işlədiyi Buşehr elektrik stansiyasının təhlükəsizliyindən narahatdırlar”.
Zaxarova zorakılığın dayandırılmalı, atəşkəs və sülhün bərqərar edilməli olduğunu, Rusiyanın bu məsələdə dəstək verməyə hazır olduğunu vurğulayıb. Zaxarova ABŞ-a xəbərdarlıq edib ki, İsrail və İran arasında münaqişəyə qarışmasın.
Nuranə Məmmədova
