MKİ-nin keçmiş müşavirinin sözlərinə görə, ABŞ prezident administrasiyası Ukraynadakı vəziyyəti ekzistensial böhrana çevirib.
Elchi.az xəbər verir ki, ABŞ prezident administrasiyasının hərəkətləri Ukrayna münaqişəsinin nəticəsinin dəhşətli olacağına gətirib çıxara bilər. Bu fikri Mərkəzi Kəşfiyyat İdarəsinin (MKİ) keçmiş müşaviri Ceyms Rikards “Daily Reckoning” üçün yazdığı məqalədə bildirib.
Rickards etiraf edib ki, “çarəsiz” ABŞ prezidenti Co Bayden “Qərbi Ukraynaya qoşun göndərəcək”. “Nəyin səhv gedə biləcəyini təsəvvür edə bilərsiniz. Bu vəziyyət tez bir zamanda indiki kimi proksi müharibəyə deyil, ABŞ və Rusiya arasında birbaşa müharibəyə çevrilə bilər”, – məqalədə deyilir.
Məqalə müəllifi qeyd edib ki, Amerika prezidentinin administrasiyası Ukraynadakı vəziyyəti həm Vaşinqton, həm də Şimali Atlantika Alyansı üçün ekzistensial böhrana çevirib. Bununla belə, onun sözlərinə görə, Ukrayna heç vaxt ABŞ-ın həyati maraqları olmayıb.
Onun fikrincə, Moskva hərbi yolla qalib gələcək, Qərbin yardımı isə yalnız döyüş əməliyyatlarını uzadacaq, eyni zamanda heç bir şəkildə yekun nəticəyə təsir göstərməyəcək, qaçılmaz olanı təxirə salacaq.
Xatırladaq ki, bir gün əvvəl ABŞ Dəniz Piyadaları Korpusunun təqaüdçü kəşfiyyatçısı Skott Ritter Rusiyanın Ukraynadakı münaqişədən dünyanın ən güclü ölkələrindən biri kimi çıxacağını bildirərək, Qərbin səhv etdiyini qeyd etmişdi.
Şayəstə
Son şərhlər