“Rusiyanın Ukrayna ilə müharibədən qalib çıxması fikirləri reallığı əks etdirmir. Qüvvələr balansı eyni deyil, Ukraynanın və ona ciddi mənada hərbi-siyasi, kəşfiyyat dəstəyi verən Qərbin üstünlüyü aşkardır. Bu ədalətsiz savaşda ya Rusiya tükənib geri çəkilməyə məcbur qalacaq, ya da onun üçün ağır siyasi nəticələri olacaq məğlubiyyətdən qaça bilməyəcək”-bu sözləri Elchi.az saytına açıqlamasında
Azərbaycan Yüksəliş Partiyası
Başqanının siyasi işlər üzrə müavini Rəşad Bakuvi deyib.
O, eyni zamanda Ermənistanın Rusiyanın müharibədə qalib gəlib-gəlməməsi şəraitində Azərbaycan və Rusiya ilə bağlı siyasətində hansısa dəyişikliklər edəcəyinin inandırıcı olmadığını da vurğulayıb
“Bilirsiz, Ermənistan çox kiçik zəif bir ölkədir, bölgədə hər hansı bir ölkəyə geosiyasi və geoiqtisadi planda təsir etmək resursları, imkanları və lüksü yoxdur. Qabağına nə çəkirlərsə onunla kifayətlənməkdən başqa heç nəyə qadir deyil. Qərb ölkələri hər vəchlə məğlub Ermənistana bir əhəmiyyət qazandırmağa çalışsalar da, reallıq başqa söz deyir. Əksinə, Cənubi Qafqazın ən önəmli və əhəmiyyətli respublikası olaraq Azərbaycan regionda yeni reallıqları müəyyənləşdirən ölkəyə çevrilib. Bununla həm Kreml, həm də Qərb paytaxtları artıq barışıblar. Üstəlik qardaş Türkiyənin 200 ildən sonra bölgəyə yerləşməsilə Cənubi Qafqazda güc balansı hərtərəfli dəyişdi. Ona görə də, indi, Ermənistanın bir dövlət kimi bölgədə qala bilməsi, real inkişaf xətti tutan ölkəyə çevrilməsi üçün yalnız tək şansı var: qonşuluğunda olan Türkiyə və Azərbaycanla mehriban qonşuluq siyasətinə sadiq qalmaq, hər iki ölkəyə torpaq iddiasına son qoymaq, umu-küsünü kəsib, bölgəyə birlikdə sahiblənməklə, hər bir dövlətə böyük dividentlər gətirəcək regional və qlobal iqtisadi layihələrdə iştirak etmək. Revanşist hisslərlə alışıb yanan siyasi dairələr Ermənistanı uçuruma apara bilər, bunu nə qədər tez anlamış olsalar, yeni fəlakətlərdən qaçmaq şansları olacaq. Bu planda, rəsmi İrəvan Rusiya ilə münasibətlərdə nə qədər məsafə saxlamış olsa, bir o qədər onun faydasına olacaq. Bunu, Paşinyan da bilməmiş deyil”.
Havar Şəfiyeva
Son şərhlər