La Liqanın 6-cı həftəsində “Real Madrid” səfərdə “Atletiko Madrid”ə 3:1 hesabı ilə uduzub. Real Madrid ilk məğlubiyyəti ilə liderlik kürsüsündən geriləyərək 15 xalla 3-cü pilləyə, hərəyə 16 xalla “Barselona” və “Jirona”dan sonra geriləyib.
Elchi.az xəbər verir ki, İspaniya 1-ci Futbol Liqasının (La Liqa) 6-cı həftəsində ” Real Madrid” səfərdə “Atletiko Madrid” ə 3:1 hesabı ilə məğlub olub.
Liqada 5-də 5 qələbə ilə Madrid derbisinə gələn “Real Madrid” ilk məğlubiyyətini alıb və liderlik mövqeyindən düşüb.
Matça yaxşı başlayan “Atletiko Madrid” Alvaro Morata (4 dəqiqə) və Antuan Qrizmannın (18 dəqiqə) qolları ilə 2:0 önə keçib.
Qonaq komanda 35-ci dəqiqədə Toni Kroosun qolu ilə fərqi 1-ə endiribsə, ilk hissə Atletiko Madridin 2-1 öndə olması ilə yekunlaşıb.
İkinci hissənin əvvəlində, 46-cı dəqiqədə Morata ilə bir dəfə daha qol vuran “Atletiko” matçın sonuna qədər bu üstünlüyünü qoruyub və 3:1 hesablı qələbə qazanıb.
Real Madriddə zədəsi bitən Vinisius Junior bu gün yaşadığı qarın ağrısı səbəbindən son anda matçın heyətindən kənarlaşdırılıb.
“Atletiko Madrid”də çıxış edən milli futbolçu Çağlar Söyüncü də zədəsi səbəbindən derbini tribunadan izləyib.
2022-ci il mayın 8-dən sonra La Liqada əzəli rəqibinə qarşı ilk qələbəsini qazanan “Atletiko” xallarını 10-a yüksəldib və 5-ci pillədə qərarlaşıb.
Real Madrid isə həm məğlubiyyətsiz titulunu, həm də liderliyini itirərək hərəyə 16 xal olan “Barselona” və “Jirona”dan sonra 15 xalla 3-cü yerə düşüb.
Digər tərəfdən, qızı ilə Vinicius forması geyinərək Metropolitano Stadionunda matçı izləməyə gələn qadın bəzi fanatik Atletico Madrid azarkeşlərinin şifahi hücumuna məruz qalıb.
La Liqa qurumu hadisə ilə bağlı cinayət işi açacağını açıqlayıb.
Nuranə Məmmədova
Son şərhlər