ABŞ-ın Qrenlandiya üzrə xüsusi nümayəndəsi Jeff Landry-nin adaya səfəri zamanı özü ilə həkim gətirməsi Qrenlandiya hökumətinin sərt reaksiyasına səbəb olub. Səhiyyə siyasəti ilə bağlı keçmiş sui-istifadələri xatırladan rəsmilər “Qrenlandiya sakinləri geosiyasi layihə üçün test mövzusu deyil” mesajını göndəriblər.
Elchi.az xəbər verir ki, Landry-nin Qrenlandiyaya səfəri zamanı Dr. Joseph Griffin-i özü ilə gətirməsi mübahisələrə səbəb olub.
Qrifinin Nuuka “səhiyyə ehtiyaclarını qiymətləndirmək” üçün gəldiyi barədə açıqlama Qrenlandiyanın Səhiyyə naziri Anna Wangenheim tərəfindən sərt tənqid edilib.
Vangenheim, yerli Qrenlandiya sakinlərinin keçmişdə səhiyyə praktikası adı altında istismar edildiyini xatırladaraq, səhiyyə sektorunun geosiyasi alət kimi istifadəsinə qarşı reaksiya verib.
“Qrenlandiya sakinləri test mövzusu deyil”
Vangenheim açıqlamasında Qrenlandiyanın coğrafi uzaqlığı, səhiyyə işçilərinin çatışmazlığı və demoqrafik təzyiqlər səbəbindən kövrək bir quruluşa sahib olduğunu bildirib.
ABŞ-ın Qrenlandiyanın öz ərazisinə birləşdirilməsi ilə bağlı siyasi ritorikasına diqqət çəkən nazir bildirib:
“Qrenland sakinləri geosiyasi layihənin subyekti deyillər. Səhiyyə sistemimiz yalnız hörmətə əsaslanan əməkdaşlıq və Qrenlandiyanın azad iradəsi ilə təkmilləşdirilə bilər”.
Şayəstə
