“Qafqazinfo”nun hüquq-mühafizə orqanlarından əldə etdiyi məlumata görə, 1997-ci il təvəllüdlü F.M-i zorlayan 1967-ci il təvəllüdlü Əlifağa Bayramov Qaradağ Rayon Prokurorluğunda ifadə verib.

Maraqlıdır ki, 17 yaşlı qızı 3 dəfə zorlamaqda ittiham olunan Ə.Bayramov sərbəst buraxılıb.

Qaradağ rayon prokurorunun köməkçisi Araz Qasımov sayta açıqlamasında bildirib ki, iş üzrə araşdırma gedir: “İş başa çatmamış şəxsin ifadəsi haqda məlumat verə bilmərik”.

Xatırladaq ki, hadisə ötən ilin may ayında baş versə də, qızın ailəsi polisə bu yaxınlarda şikayət verib. İşi aparan müstəntiq Elçin Tağıyev bildirmişdi ki, 1967-ci il təvəlüdlü Bayramov Əlifağa Həmiş oğlu qızı 16 yaşı olanda 3 dəfə zorlayıb: “2013-cü ilin avqustuda zorlanan qızın qardaşı Əlifağanın qızını alıb. O vaxtdan qohumluq əlaqələri yaranıb və onlar bir-birilərinin evinə gedib-gəlməyə başlayıblar. Qız Ələt qəsəbəsində atası ilə birlikdə yaşayıb. Qudaların hər ikisi “malyar” işləyirmiş.

Sonradan Əlifağa bir yerdə işə getmək üçün gəlib qudasıgildə qalırmış. 2014-cü ilin mayın 1-də Əlifağa qudasıgilə gəlib, görüb evdə heç kim yoxdur. Qızdan soruşub ki, atan hardadır, o da deyib evdə yoxdur. İçəri keçib qızı danışdırmağa başlayıb. Sonra qəfildən qızı vurub və F.M huşunu itirib. Həmin vaxt qızın 16 yaşı olub. Ondan sonra təxminən 1 saat qızla təbii yolla cinsi əlaqədə olub. Bir saatdan sonra qız özünə gələndə görüb ki, Əlifağa artıq evdən çıxıb gedib. Görüb ki, soyundurulub, üst-başı da qan içindədir. Qız bunu heç kimə deməyib.

Üç gün sonra, mayın 4-də gecə yenə Əlifağa qudasıgildə qalıb. Səhər qızın atası işə tez gedib. Əlifağaya da deyib ki, ondan sonra gələr. Qızın atası çıxandan sonra Əlifağa qızı yatdığı çarpayısında zorlayıb. Bu dəfə qız özündə olub, müqavimət göstərib. Əlifağa qızı döyərək onunla cinsi əlaqədə olub. Qıza hədə-qorxu gəlib ki, kiməsə desən sənin başını kəsəcəyəm.

Ümumi 3 dəfə zorlayıb qızı. Sonuncu dəfə 2014-cü ilin iyunn ayının axırlarında olub. Qızı guya gəlinlərini görmək üçün Salyan rayonunun Kürsəngi kəndinə öz evlərinə aparıb. Yolda istiqaməti dəyişib, qıza deyib ki, qısa yolla gedəcəyik. Heç kimin olmadığı bir yerə gələndə maşında qızı yenə zorlayıb. Bundan sonra qız hamilə qalıb. Amma qorxusundan heç kimə deməyib. Üstündən bir neçə ay keçəndən sonra böyük bacısı şübhələnib. Bu ilin fevralın 7-də bacısına hər şeyi danışıb. Fevralın 8-də Hacıqabulda xəstəxanaya gediblər. Həkim deyib ki, 35 həftəlik hamilədir, martın 15-də doğuş vaxtıdır”.