Gürcüstanın paytaxtı Tiflisdə dünyaya öz kameraları ilə baxan kino və teleoperatorların festivalı keçirilib. Bir 
sira ölkələrin qatıldığı festivala iştirak edən ANS televiziyası Azərbaycanı təmsil edir.
Sayca 4-cü olan “Qızıl göz” Beynəlxalq Kino və Teleoperatorlar Festivalı çərçivəsində ilk dəfə olaraq peşəkar televiziya avadanlıqlarının beynəlxalq sərgisi də təşkil olunub. Sərgidə texnoloji avadanlıqlar istehsal edən bir sıra dünyaca məşhur şirkətlər təmsil olunur.
“Bizim məqsədimiz budur ki, sərgi hər il keçirilsin və ildən ilə daha da böyüsün. Həmçinin, Azərbaycan, Gürcüstan və digər ölkələrdən olan televiziya mütəxəssislərinin, operatorların bura gələrək yeni texnologiyalarla tanış olmaq imkanı olsun”, – deyə təşkilatçı Levan Qaçadze qeyd edib.
Nümayiş etdirilən bir-birindən fərqli müasir avadanlıqlarla televiziya sahəsində çalışanların böyük marağına səbəb olan festivalda Azərbaaycanı ANS televiziyasının baş operatoru Azər Qarayev təmsil edir. Onun sözlərinə görə, bu cür sərgilərin keçirilməsi yeniliklərdən xəbərdar olmaq baxımından böyük əhəmiyyət kəsb edir.
“Təəssürat odur ki, yeni texnikalar, avadanlıqlar var. Məsələn, yeni kameralar və imkanı geniş olan obyektivlər var”, – deyə ANS TV-nin baş operatoru Azər Qarayev qeyd edib.
Tanınmış brendlərin məhsullarının nümayiş olunduğu stendlərin qarşısında hər kəsin bu avadanlıqların imkanları ilə tanış olmaq üçün can atdığını görmək olur. 3 gün davam edəcək festivalın növbəti ildə daha geniş miqyasda keçiriləcəyi deyilir.
Son şərhlər