Mehriban Zeynalovanın sözlərinə görə, sökülən vilların sökülməsindənsə qadınlar üçün sığınacaq kimi istifadəsi daha məqsədəuyğundur: “İl ərzində yüzlərlə qadın məişət zorakılığına məruz qalır. Bəzilərinin həyatı təhlükədə olduğu üçün sığınacaq evinə yerləşdirilməsinə ehtiyac yaranır. Lakin məişət zorakılığından zərər çəkmiş qadınlar üçün sığınacaq evlərinin sayı məhduddur. Buna görə də bu villalar dövlət müəssisələrinin balansında saxlanılmaqla sığınacaq evi kimi istifadəyə verilə bilər. Bizim təşkilata müraciət edən qadınları yerləşdirməkdə çətinlik çəkirik. Buna görə də ölkə başçısına müraciət edərək villaların sosial evlər kimi QHT-lərin istifadəsinə verilməsini xahiş etmişik. Təbii ki, son qərarı ölkə başçısı verəcək”.

Mehriban Zeynalovanın sözlərinə görə, sahibi bəlli olmayan və qanunsuz inşa edilən villalarla bağlı təşkilata məlumatlar göndərilir: “Sulutəpə ərazisində belə villalar var. Həmin villalardan biri sığınacaq kimi istifadəyə verilərsə, təşkilatımız yenə də bu qadınlara könüllü xidmət göstərəcək”.

Elnarə
İnterpress.az