2023-cü il oktyabrın 7-dən etibarən soyqırım törədən İsrail ordusunun Qəzza zolağına hücumları nəticəsində ölənlərin sayı son 24 saatda 57 nəfər artaraq 59 733 nəfərə çatıb.
Elchi.az xəbər verir ki, Qəzzadakı Fələstinin Səhiyyə Nazirliyi İsrailin davam edən hücumları nəticəsində ölən və yaralananlarla bağlı son məlumatı verən yazılı açıqlama yayıb.
Açıqlamada son 24 saatda Qəzza xəstəxanalarına 57 ölü və 512 yaralının gətirildiyi qeyd edilib.
Yanvarın 19-da Qəzzada razılaşdırılan atəşkəsin dayandırılmasından sonra İsrail ordusunun martın 18-dən bəri başlatdığı hücumlarda 8581 fələstinlinin şəhid olduğu, 32436 nəfərin yaralandığı da bildirilib. 2023-cü il oktyabrın 7-dən İsrailin Qəzza zolağına hücumları nəticəsində ölənlərin sayının 59 733 nəfərə, yaralıların sayının isə 144 477 nəfərə yüksəldiyi bildirilir.
Mayın 27-dən etibarən Qəzzada yardım paylama məntəqələri deyilən fələstinliləri hədəf alan İsrail və ABŞ rəhbərliyindəki sistematik hücumlarda ölənlərin sayı 29 nəfər artaraq 1021 nəfərə, yaralıların sayı isə 7485 nəfərə çatıb.
Qəzza zolağında minlərlə ölü hələ də dağıntılar altında qaldığı bildirilir.
Şayəstə Hüseynova
