“Qarabağ” heyətini yeni müdafiəçi ilə gücləndirməyə hazırlaşır.
Elchi.az Offsideplus.az-a istinadən bildirir ki, Ağdam klubu Serbiya “Partizan”ında çıxış edən Nihad Muyakiçin keçidini bitirmək üzrədir.
“Qarabağ” bosniya və herseqovinalı stoperin transferi üçün qarşı tərəflə danışıqları davam etdirir. Keçidin yaxın vaxtlarda rəsmiləşəcəyi gözlənilir.
Qeyd edək ki, “Partizan”la 2027-ci ilin yayınadək müqaviləsi olan 28 yaşlı mərkəz müdafiəçisi karyerası ərzində “Sarayevo”, “Kortreyk”, “Hayduk”, “Vaasland-Beveren”, “Ankaragücü” və “Eyüpspor” kimi klubların da formasını geyinib.
Bosniya və Herseqovina yığmasında 12 matçda 1 qol vuran Muyakiç DÇ-2026-nın iştirakçısı olsa da, komandasının qrupdakı 3 oyununda və 1/16 final qarşılaşmasında meydanda olmayıb.
