Qana parlamenti ölüm hökmünün ləğvini təsdiqləyib. Qətnamənin qüvvəyə minməsi üçün Qana prezidenti Akufo-Addo parlamentin qərarını təsdiq etməlidir.
Elchi.az xəbər verir ki, Qana parlamenti dünənki iclasında ölüm hökmünün ləğvinə səs verib.
Ölüm hökmünün ləğvi qərarından sonra Qana ölüm hökmünü ləğv edən sonuncu Afrika ölkəsi oldu. Qərara əsasən, ölüm cəzası əvəzinə ömürlük həbs cəzası tətbiq olunacaq. Qətnamənin qüvvəyə minməsi üçün Qana prezidenti Akufo-Addo parlamentin qərarını təsdiq etməlidir. Qanalı parlamentari Francis-Xavier Sosu, bu addımın Qanada insan haqları üçün mühüm addım olduğunu söylədi və dedi: “Konstitusiyaya yenidən baxılmasından ictimai rəy sorğusuna qədər bütün araşdırmaları etdik. Qanalıların əksəriyyəti ölüm hökmünün ləğv edilməsini istəyir”.
Ötən il 176 nəfərin edam cəzasına məhkum edildiyi ölkədə 1993-cü ildən bəri heç bir edam yoxdur. Qana ölüm hökmünü ləğv edən 29-cu Afrika ölkəsi, dünyada isə bu qərarı qəbul edən 124-cü ölkə oldu. Son 2 ildə Ekvatorial Qvineya, Sierra Leone, Mərkəzi Afrika Respublikası və Zambiya ölüm hökmünü ləğv edən ölkələr sırasında olub.
Nuranə Məmmədova
Son şərhlər