İsrailin müdafiə naziri Yoav Qallant ABŞ rəsmiləri ilə “bəzi mərkəzi ölkələrlə normallaşmanı” müzakirə etdiyini bildirib.
Elchi.az xəbər verir ki, X sosial media platformasındakı hesabında danışan Qallant, dünən Ağ Ev Milli Təhlükəsizlik Şurasının Yaxın Şərq koordinatoru Brett McGurk və ABŞ Dövlət Departamentinin Yaxın Şərq məsələləri üzrə müşaviri Barbara Leaf ilə görüşdüyünü söylədi.
ABŞ rəsmiləri ilə İsrailin keyfiyyət üstünlüyünü qoruyaraq, İbrahim razılaşmalarının (normallaşdırma müqavilələri) bəzi mərkəzi ölkələri də əhatə edəcək şəkildə genişləndirilməsi məsələsini müzakirə etdiklərini ifadə edən Gallant, sözügedən ölkələrlə bağlı məlumat verməyib.
İranın regionda sabitliyi pozan addımları barədə ABŞ rəsmiləri ilə danışdığını söyləyən Gallant, İsrailin təhdidlərə qarşı özünü müdafiə edəcəyini vurğulayıb.
İsrailin İctimai Yayım Təşkilatı KAN-ın xəbərinə görə, Qalant ABŞ rəsmiləri ilə görüşdə Səudiyyə Ərəbistanının mülki nüvə proqramı və Səudiyyə Ərəbistanında uranın zənginləşdirilməsi imkanları ilə bağlı sualları müzakirə edib.
Son illərdə İsrail mediasında Səudiyyə Ərəbistanının Tel-Əvivlə normallaşmaq üçün öz ərazisində mülki nüvə enerjisi proqramının yaradılması üçün ABŞ-dan kömək istəməsi ilə bağlı iddialar var.
Son zamanlar mediada İsrailin Səudiyyə Ərəbistanı ilə normallaşmaya yaxınlaşdığına dair iddialar var.
2020-ci ildən etibarən ABŞ-ın keçmiş prezidenti Donald Trampın vasitəçiliyi ilə bəzi ərəb ölkələri ilə İsrail arasında “İbrahim razılaşmaları” ilə normallaşma prosesinə başlanılıb.
Şayəstə Hüseynova
Son şərhlər