“Qalatasaray” məğlubiyyətsizlik seriyasını 18 matça çatdırıb

Trendyol Super Liqasının 6-cı həftəsində “Qalatasaray” evdə “RAMS Başakşehir”i 2:1 hesabı ilə məğlub edib. Sarı-qırmızılı komanda məğlubiyyətsizlik seriyasını 18 matça çatdırıb. Qələbənin qollarını Ziyeç və İkardi qoyub.
Elchi.az xəbər verir ki, Başakşehir Fatih Terim Stadionunda oynanan qarşılaşmada Qalatasaray’ın qollarını Hakim Ziyeç və Mauro İkardi penaltidən, RAMS Başakşehirin qolunu isə Leo Dubois vurub.
Hər iki komandanın bir matçı əskik olduğu liqada “Qalatasaray” xallarını 13-ə yüksəldib, RAMS Başakşehir isə 3 xalla qalıb.
– Qələbə seriyasını 4 matça çatdırdı
“Qalatasaray” Trendyol Super Liqasında qələbə seriyasını 4 matça çatdırıb .
Liqanın ilk həftəsində Mondihome Kayserispor ilə heç-heçə edən sarı-qırmızılı komanda növbəti matçlarında müvafiq olaraq Trabzonspor, Qaziantep FK, Yılport Samsunspor və RAMS Başakşehir komandalarını məğlub etməyi bacarıb.
– Son 18 rəsmi oyunda məğlubiyyətsiz
“Qalatasaray” son 18 rəsmi oyunda məğlub olmayıb.
Ötən mövsümün 32-ci həftəsində derbidə “Beşiktaş”a son məğlubiyyətini alan sarı-qırmızılı komanda növbəti 6 liqa matçında da qalib gəlib (birində “Hatayspor”a 3:0 hesabı ilə məğlub olub).
Bu mövsüm “Cimbom” 5-i Trendyol Super Liqasında, 6-sı UEFA Çempionlar Liqasının seçmə mərhələsində, 1-i isə qrup mərhələsində olmaqla, 12 matçda 9 qələbə, 3 heç-heçə edib.
– İkardi Burak Yılmazı keçdi
“Qalatasaray”ın ulduz futbolçusu Mauro İkardi “Medipol Başakşehir”ə vurduğu qolla uğuruna bir yenisini əlavə edib.
Argentinalı futbolçu Superliqada son 12 matçda ilk 11-də qol vurub.
Mauro İkardi də Trabzonspor forması altında 2010-2011 mövsümünün son hissəsini və 2011-2012 mövsümünün ilk hissəsini əhatə edən Super Liqada ilk 11-də 11 matçda qol vuran Burak Yılmazı da geridə qoyub.
– İkardi rəsmi oyunlarda vurduğu qolların sayını 9-a çatdırdı
Mauro İkardi bu mövsüm 10 rəsmi yarışda qollarının sayını 9-a çatdırıb.
Superliqada oynadığı son 4 matçda 6 qol vuran İkardi UEFA Çempionlar Liqasında 3 dəfə hesabı dəyişərək komandasına töhfə verib.
– Ziyeç ilk qolunu vurdu
“Qalatasaray”ın yeni transferlərindən olan Hakim Ziyeç RAMS Başakşehir matçında yeni komandasında ilk qolunu vurub.
Ziyeç matçın 43-cü dəqiqəsində komandasının ilk qolunu vurub.
– Kazımcan Karataş zədələnib
“Qalatasaray”ın futbolçusu Kazımcan Karataş zədəsi səbəbindən matçı davam etdirə bilməyib.
Yarımmüdafiədə rəqibi ilə döyüşdükdən sonra yerdə qalan və sol dizini tutan Kazımcan Karataş meydançaya edilən müdaxilədən sonra kənara çəkilib.
Sağlamlıq qrupunun matçı davam etdirə bilməyəcəyini bildirdiyi Kazımcan Karataşın yerinə 29-cu dəqiqədə Kaan Ayhan oyuna daxil oldu.
– Başakşehirin qolunu Dubois vurdu
Qarşılaşmada RAMS Başakşehirin qolunu ötən mövsüm “Qalatasaray”da çıxış edən Leo Dubois vurub.
Mövsümün əvvəlində sarı-qırmızılıların RAMS Başakşehirə icarəyə verdiyi fransız futbolçu 64-cü dəqiqədə komandasının qoluna imza atıb.

Nuranə Məmmədova