Bu gün Qusar rayonun Mucuq kəndində kənd folklor evinin təşkilatçılığı və şəhid analarının iştirakı ilə “Qadınların cəmiyyətdəki rolu və mövqeyi” mövzusunda dəyirmi masa təşkil olunub.
Bu barədə Elchi.az-a YAP Qusar rayon təşkilatının sədr müavini Neva Abdurahmanova məlumat verib.
Tədbir öncəsi iştirakçılar Mucuq kəndindən Vətən uğrunda şəhid olmuş Aydın Ərziman oğlu Ərzimanovun, Tural İzətulla oğlu Əhmədovun, Şair Camal oğlu Heydərovun məzarlarını ziyarət etdilər. Tədbirdə iştirak edən YAP Qusar rayon təşkilatının sədr müavini Neva Abdurahmanova, Rayon Mədəniyyət Mərkəzinin direktoru Reyhan Həsənova, Mucuq bələdiyyəsinin sədri Tahirə Kazımova, YAP fəalı Əsli Novruzova ölkəmizdə dövlət qadın siyasətinin uğurlu inkişafından, Vətən müharibəsində qadınların,anaların fədalarlığından, Cənab Prezdent, Yeni Azərbaycan Partiyasının sədri İlham Əliyevin yürütdüyü siyasətdə qadınlara göstərilən diqqət və qayğıdan danışdılar. Səmimi ortamda baş tutan görüşdə şəhid anaları Yeganə Heydərova, Elza Əhmədova ölkə prezidentinə və Birinci xanım Mehriban Əliyevaya onlara göstərilən diqqət və qayğıya görə təşəkkürlərini bildirdilər.
Havar Şəfiyeva
Son şərhlər