İsrail Qəzzanın iqtisadiyyatını xarabalığa çevirdi. Xarici yardımlar bölgənin yeganə qalan gəlir mənbəyi oldu.
Elchi.az xəbər verir ki, Beynəlxalq Əmək Təşkilatının məlumatına görə, ötən ay Qəzzada işçi qüvvəsinin 61 faizini təşkil edən təxminən 182 min qəzzalı işini itirib.
“Qəzzanın iqtisadiyyatı 100 faiz iki gəlir mənbəyindən asılıdır: xarici yardım və İsrailin əmək bazarına çıxış. Sonuncu, yəqin ki, həmişəlik yox oldu. Qalan yalnız xarici yardımdır”, – Clocktower Group-un baş strateqi Marko Papic CNBC-yə bildirib.
Birləşmiş Millətlər Təşkilatının məlumatına görə, oktyabrın 7-dən əvvəl Qəzzalıların 80 faizi dolanmaq üçün beynəlxalq yardıma arxalanırdı və ərzaq təhlükəsizliyinin təmin olunmadığı hesab edilirdi. Davam edən gərginlik artıq 15 minə yaxın fələstinlinin ölümü və Qəzza əhalisinin əksəriyyətini təşkil edən təxminən 1,5 milyon insanın didərgin düşməsi ilə nəticələnib.
Nuranə Məmmədova
Son şərhlər