Rusiya prezidenti Vladimir Putin, Ukraynanın danışıqları davam etdirmək anlayışına sahib olması lazım olduğunu ifadə edərək, “Kiyev rəhbərliyinin razılığın necə əldə ediləcəyini düşünməsi yaxşı olardı” dedi.
Elchi.az xəbər verir ki, Putin Soçidə keçirilən “Valday” Beynəlxalq Diskussiya Klubunun əsas sessiyasındakı çıxışında cari məsələləri dəyərləndirib.
Rusiyanın nüvə silahı sınağı keçirib-etməyəcəyi ilə bağlı sualı cavablandıran Putin, “Kimlərsə bu sınaqlara hazırlaşır. Biz bunu görürük və bilirik. Bu sınaqlar keçirilərsə, biz də eyni sınaqları keçirəcəyik” deyib.
Putin vurğulayıb ki, “Rusiyanın nüvə silahları dünyanın digər ölkələrininkindən daha müasirdir və ABŞ-ın Yaponiyanın Xirosima və Naqasakiyə atdığı silahlardan daha güclüdür”.
Putin taktiki nüvə silahlarının Belarusdan başqa heç bir ölkədə yerləşdirilmədiyini, lakin ABŞ-ın bütün dünyada yerləşdirdiyini bəyan edib. O əlavə edib ki, Rusiya ABŞ-dan daha çox taktiki nüvə silahına malikdir.
Putin bəyan edib ki, Rusiya “Oreşnik”, “Avanqard” və “Kinjal” hipersəs raket sistemlərinə malikdir və digər silah sistemlərini inkişaf etdirməyə davam edir.
2026-cı ildə başa çatdıqdan sonra ABŞ-a Yeni START Müqaviləsinə daha bir il riayət etməyi təklif etdiklərini qeyd edən Putin, ABŞ-la bu mövzuda dialoqun sadə olmadığını ifadə edərək, “Gələcəkdə nə olacağını təxmin etmək çətindir” dedi.
ABŞ-da müqavilənin uzadılmasına ehtiyac olmadığını deyənlərin olduğunu qeyd edən Putin, “Onların (amerikalıların) buna ehtiyacı yoxdursa, bizim də ehtiyacımız yoxdur. Nüvə qalxanımıza arxayınıq” deyib.
Şayəstə Hüseynova
Çox düz deyib Putin. Bəs Ukraina nə gözləyir ki, danışıq aparmır? Onsuzda Putin güclüdür, nüvə silahımız var deyir, bax bele.