Tramp gələcəkdə Kim Çen Inla görüşə biləcəyini açıqlayıb.
Elchi.az xəbər verir ki, ABŞ Prezidenti Donald Tramp Şimali Koreya lideri Kim Çen Inla gələcəkdə görüşə biləcəyinə işarə edib. Amerika liderinin bu fikirləri NBC News telekanalının jurnalisti Qeyb Qutyerres tərəfindən “X” sosial şəbəkəsində paylaşılıb.
Tramp telekanala verdiyi müsahibədə: “Bir vaxt gələcək, biz görüşəcəyik”, – deyə bildirib.
ABŞ Prezidenti izah edib ki, Asiyaya səfəri zamanı qrafiki digər öhdəliklərlə həddindən artıq dolu olduğu üçün Kim Çen Inla danışıqlar təşkil etmək mümkün olmayıb.
Tramp Şimali Koreya lideri ilə 18–19 noyabr tarixlərində Çinin Şençjen şəhərində keçirilən Asiya-Sakit Okean İqtisadi Əməkdaşlıq (APEC) sammiti çərçivəsində görüşməyi nəzərdə tutmuşdu. “The Wall Street Journal” qəzetinin məlumatına görə, ABŞ Prezidenti Şimali Koreya lideri ilə Pxenyanın nüvə proqramı ilə bağlı danışıqların bərpası məsələsini müzakirə etməyə ümid edirdi.
Daha əvvəl Donald Tramp Kim Çen Inı “dost” adlandırmış və bildirmişdi ki, o (Tramp) hakimiyyətdə olduğu müddətdə Şimali Koreya lideri “rahat ola bilər”. Amerika lideri hesab edir ki, o, Şimali Koreya liderinin bəyəndiyi “dünyada yeganə insandır” və özünün də Kimə qarşı müəyyən bir yaxınlıq hiss etdiyini qeyd edib. Bundan əlavə, o, “kiminsə 112 nüvə raketi varsa, onunla yola getməyin vacib olduğunu” etiraf edib.
Şayəstə





















