Kəşfiyyat mediası Vladimir Putinin Ukraynadakı Vaqner qoşunları arasında təmizlik aparacağını iddia edib.
Elchi.az xəbər verir ki, Putin qoşunların Moskvaya geri çəkilməsi əvəzinə serb muzdluları və Çeçenistan lideri Ramazan Kadırovun variantlarını nəzərdən keçirir.
Rusiya komandanlığı bu fikrin əleyhinədir.
Rusiya prezidenti Vladimir Putinin Ukraynadakı Vaqner qoşunları arasında təmizlik aparacağı və onların yerinə serb muzdluları və ya Çeçenistan lideri Ramazan Kadırovun qüvvələrinin gətirildiyi iddia edilib. Amma Rusiya Müdafiə Nazirliyi və Baş Qərargah bu fikrin əleyhinədir. Qlobal kəşfiyyat xəbər saytı Intelligence Online iddia edib ki, Moskva Vaqnerdəki ekstremist sərkərdələr arasında təmizləmə əməliyyatı keçirməyi və muzdlu serb hərbi qruplarını Ukraynaya yerləşdirməyi planlaşdırır. Xəbər saytının özəl mənbələrdən apardığı araşdırma nəticəsində Vaqner üsyanından sonra Rusiya Ukraynanın bu vəziyyəti dəyərləndirib kütləvi hərbi əməliyyatlara əl atacağından qorxur. Serbiyanın əvvəllər bu təşəbbüsə qarşı çıxmadığı, lakin Vaqner cəhdindən sonra Ukraynada Rusiya adına döyüşən muzdluların əleyhinə çıxdığı da əldə edilən məlumatlar arasındadır. Bosniya müharibəsində bosniyalılara qarşı qəddarlığı və soyqırımı ilə tanınan serb muzdluları 2014-cü ildə Krımın Rusiya tərəfindən işğalı zamanı Moskva ilə bərabər döyüşüblər.
Şayəstə Hüseynova
