Siyasətçilər ikitərəfli gündəliyin aktual məsələlərini və beynəlxalq vəziyyəti müzakirə ediblər.
Rusiya prezidenti Vladimir Putin İsraildə parlament seçkilərində qalib gələn “Likud” partiyasının lideri Benyamin Netanyahu ilə telefon danışığı aparıb.
Elchi.az xəbər verir ki, bu barədə Kremlin saytında verilən məlumata görə, siyasətçilər ikitərəfli gündəliyin aktual məsələlərini və beynəlxalq vəziyyəti müzakirə ediblər.
Tərəflər Rusiya ilə İsrail arasında əlaqələrin bundan sonra da mütərəqqi şəkildə inkişaf edəcəyinə, müxtəlif səviyyələrdə təmasların davam etdiriləcəyinə əminlik ifadə ediblər.
Bundan əlavə, Rusiya lideri Netanyahunu və bütün israilliləri yəhudilərin Hanukka bayramı münasibətilə təbrik edib.
Bu arada İsrailin “Kan” radiostansiyası Rusiya prezidentinin İsrailin keçmiş baş naziri ilə Ukraynadakı vəziyyəti müzakirə etdiyini yazıb.
KP.RU saytının yazdığı kimi, oktyabrın sonunda İsraildə daha bir, son 3,5 ildə beşinci dəfə ölkə parlamentinə (Knesset) növbədənkənar seçkilər keçirilib. Qələbəni keçmiş baş nazir Binyamin Netanyahunun rəhbərliyi altında Likud partiyası qazanıb.
Şayəstə
Son şərhlər