Jurnalist Eynulla Fətullayevin “Eldar Həsənov, Abbas Abbasov və Arif Məmmədov birlikdə İlham Əliyevə qarşı” məqaləsi Eldar Həsənovun qəzəbinə səbəb olub. Araşdirmaçı jurnalist yazısında Eldar Həsənovu Azərbaycanda hakimiyyət çevrilişi etməkdə suçlayıb: “Azərbaycan səfirlərinin xaricdəki “sxodka”sının əsas ilhamvericilərindən birinin adı bizə bu gün məlumdur. Əliyevlər ailəsinin ən amansız və məkrli rəqiblərindən biri – səfir qismində sürgünə göndərilmiş sabiq baş prokuror Eldar Həsənov 15 il əvvəl olduğu kimi yenə də oyuna girir. Yeni çoxgedişli kombinasiyanın müəllifi amansız daxili siyasi mübarizəyə qoşulmaq üçün özündə yenidən güc və qətiyyət tapıb, özünün bütün imkan və resurslarını hazırkı hakimiyyətin devrilməsinə səfərbər edib”.
Eldar Hsənov isə öz növbəsində güzunu yumub ağzını açıb: “- Hər halda məqalənin E.Fətullayevin “əl işi” olmasına inanacaq qədər sadəlövh deyilsiniz?! “Milyarderlər İttifaqı”, Abbas Abbasov, Elşad Abdullayev, Arif Məmmədov……. “hamısının arxasında Eldar Həsənov dayanır” və s. Bu kimi iftiralar. Məqalənin məhz indiki məqamda çıxması bir az düşündürücüdür. Səfir kimi fəaliyyət göstərdiyim ölkələrlə Azərbaycan arasında əlaqələrdə nəzərə çarpacaq bir nailiyyət olduğu zaman dərhal adımla bağlı bir-iki yerli mətbuatda “canlanma” baş verir. Baxmayaraq ki, Serbiya və Monteneqro prezidentləri, Bosniya və Herseqovinanın dövlət başçısı məhz Azərbaycan Prezidenti cənab İlham Əliyevə, ölkəmizə bəslədikləri səmimi və dostluq münasibətlərinə, yüksək ehtirama görə Birinci Avropa Oyunlarının açılış mərasimində iştirak etmişdilər, belə görünür ki, bundan kimsə narahat olub və yəqin ki, bu amil də məqalənin indi ərsəyə gəlməsinə rəvac verib.”
Bir sözlə Eldar Hesenovun dediklərindən belə çıxır ki, prezidentlər Azərbaycana məhz ona görə gəliblər. Guya Azərbaycanın həmin ölkələrdəki səfirləri Eldar Həsənov olmasaymış heç onlar da gəlməzlərmiş.
Son şərhlər