RİA: Polşada onlarla miqrant əleyhinə nümayişlər başlayıb.
Elchi.az xəbər verir ki, iyulun 19-da Polşada miqrantlara qarşı və onlara dəstək məqsədilə onlarla nümayişlər başlayıb. Bu barədə RİA Novosti məlumat yayıb.
Bu aksiyaları millətçilərin və avroskeptiklərin “Konfederasiya” koalisiyası, eləcə də bir sıra anarxist təşkilatlar təşkil edib.
Qeyd olunur ki, bir neçə yüz vətəndaş Varşavanın mərkəzinə gələrək Polşa hakimiyyətinin qanunsuz miqrantların ölkəyə girişinə qadağa qoymağa yönəlmiş siyasətinə etiraz edib.
Eyni zamanda aksiya iştirakçıları, o cümlədən anarxist hərəkatların tərəfdarları miqrantlara qarşı yönəlmiş etiraz aksiyalarına qadağa qoyulmasını tələb edirlər. Miqrantlara qarşı çıxanlara faşist deyirlər.
Seymin “Konfederasiya”dan olan deputatı Przemyslav Wipler bəyan edib ki, onun siyasi birliyi rəsmi Varşavadan “müsəlman ölkələrindən olan cinayətkarların” Polşa ərazisinə daxil olmasını tam qadağan edən “Polşa qalası” planını sərhədlərdə tətbiq etməyi tələb edir.
İyulun 7-də Polşa Almaniya və Litva ilə sərhədlərdə 30 gün müddətinə müvəqqəti sərhəd nəzarəti tətbiq edib. Qərar miqrantların qeyri-qanuni tranziti ilə bağlı xəbərlərə görə qəbul edilib. Polşa hakimiyyətinin məlumatına görə, alman polisinin miqrantları Polşa ərazisinə yönləndirməsi halları olub.
Şayəstə Hüseynova
