Polşa sərhədin mühafizəsinə kömək etmək üçün Finlandiyaya hərbi məsləhətçilər qrupu göndərməyi planlaşdırır. Elchi.az xəbər verir ki, bunu Respublika Milli Təhlükəsizlik Bürosunun rəhbəri Jacek Sivera sosial şəbəkədə bildirib.
“Finlandiya Prezidenti Sauli Niinistö-nin Polşa Prezidenti Anjey Dudanın dəvəti ilə etdiyi səfərin nəticələrindən biri də Finlandiya sərhədində hibrid hücuma qarşı müttəfiqlərin rəsmi dəstək istəyidir”, – deyə Sivera qeyd edib.
Onun sözlərinə görə, Varşava “NATO müttəfiqimizin və Aİ tərəfdaşımızın müraciətinə müsbət cavab verəcək”.
Bundan əvvəl Finlandiya hakimiyyəti sığınacaq axtaranlar üçün Rusiya ilə sərhəddəki bütün keçid məntəqələrini bağlamaq qərarına gəlib. Keçid məntəqələri noyabrın 30-dan dekabrın 13-dək bağlı olacaq. Sərhəddən yalnız yük daşınmasına icazə veriləcək. Bununla belə, sığınacaq tələbləri hələ də limanlarda və hava limanlarında təqdim oluna biləcək.
Havar Şəfiyeva
Son şərhlər