İsrail Müdafiə Nazirliyi ABŞ Müdafiə Naziri Pete Hegsethin İsrailin həyata keçirdiyi hücumları tam dəstəklədiyini açıqladı.
Elchi.az xəbər verir ki, Times of Israel qəzetinin verdiyi məlumata görə, İsrail Müdafiə Naziri İsrael Katz dünən gecə ABŞ-lı həmkarı Hegseth ilə telefon danışığı aparıb. Bəyanatda Hegsethin iki ölkə ordusu arasında “misli görünməmiş əməkdaşlığı” təriflədiyi qeyd olunub. Hegsethin Katzı “Sona qədər davam et, biz səninləyik” deyərək ruhlandırdığı bildirilib.
İranlı generaldan qətiyyət mesajı: Müharibənin müddəti fərq etmir
İran tərəfindən uzunmüddətli münaqişə ehtimalı ilə bağlı sərt açıqlamalar verilib. Hatem əl-Ənbiya Mərkəzi Qərargahının komandan müavini general Kiumars Heydəri bildirib ki, İran məqsədlərinə çatana və ABŞ-a ağır zərbələr endirənə qədər döyüşü dayandırmayacaq. Yarı-rəsmi Tasnim xəbər agentliyinə danışan Heydəri, İranın son səkkiz illik müharibə təcrübəsinə istinad edərək bildirib:
“Bu müharibənin neçə gün davam etməsinin bizim üçün fərqi yoxdur. Bu müharibəni yalnız məqsədlərimizə çatdıqda və düşmənin bu hərəkətindən peşman olub ümidsizliyə qapılmasına səbəb olduqda bitirəcəyik.”
ABŞ-İsrailin İrana hücumları
İsrail və ABŞ 28 fevralda Tehran və Vaşinqton administrasiyaları arasında danışıqlar aparılarkən İrana hərbi hücuma başladılar.
İran buna cavab olaraq İsrail, Qətər, Birləşmiş Ərəb Əmirlikləri (BƏƏ) və ABŞ bazalarının yerləşdiyi Bəhreyn də daxil olmaqla bir neçə regional ölkədə müəyyən etdiyi hədəflərə hücumlar etdi.
ABŞ-İsrail hücumlarında İran lideri Ayətullah Əli Xamenei və bir çox digər yüksək vəzifəli məmur öldürüldü.
İran Səhiyyə Nazirliyinin sözçüsü Hüseyn Kermanpur ABŞ-İsrail hücumlarında 1045 nəfərin həyatını itirdiyini açıqladı.
Şayəstə
