Yerin ozon təbəqəsi planetin orta temperaturunu 3,5 dərəcə qızdırır.
Elchi.az bu barədə Reuters.com-a istinadən xəbər verir.
Yer kürəsi enerjinin əsas hissəsini günəş şüalarından alır və onların hansı hissəsinin kosmosda əks olunması, hansı hissəsinin planet tərəfindən udulması atmosferin tərkibindən və xüsusiyyətlərindən asılıdır. Eyni şey Yerdən yayılan, buludlar və atmosfer tərəfindən əks oluna bilən infraqırmızı radiasiyaya da aiddir. Nəticədə atmosferin xüsusiyyətləri planetdə şəraitin formalaşmasında həlledici rol oynayır.
Kanadanın Viktoriya Universitetindən Rusel Deitrik və onun həmkarları müəyyən ediblər ki, ozon təbəqəsi ultrabənövşəyi şüaların qarşısını almaqda mühüm rol oynayır, həm də isti iqlimin yaradılmasına töhfə verir. Ozon təbəqəsinin təsirlərini öyrənmək üçün tədqiqatçılar Yerin iqliminin kompüter modelləri toplusundan istifadə ediblər. Atmosferin yuxarı təbəqələrində ozonun miqdarını ölçüblər və temperaturun tarazlığa çatmasına şərait yaradıblar. Onlar müəyyən ediblər ki, ozonun olması Yeri daha da istiləşdirir, orta temperaturu 3,5 Kelvin artırır. Ozon təbəqəsi yox olarsa, bunun iqlim üçün fəlakətli nəticələri olacaq.
Ozon çatışmazlığının əsas təsiri stratosferin yuxarı təbəqələrinin soyuması olacaq. Soyuq hava çox nəm saxlaya bilməz, buna görə də stratosfer daha quru olacaq. Su buxarı mühüm istixana qazıdır, ona görə də onsuz Yerin ümumi istixana effekti azalardı.
Yerin temperaturunun dəyişməsi ilə yanaşı, ozon çatışmazlığı ümumilikdə iqlimə ciddi təsir göstərəcək. Ozonun olmaması və nəticədə stratosferin soyuması atmosferin həmin təbəqəsini sabitsizləşdirəcək, buludların yaranmasının qarşısını alacaq. Bu, buludların yalnız alçaq və yüksək hündürlüklərdə əmələ gəlməsinə səbəb olacaq.
Bundan əlavə, bəzi burulğanlar ekvator yaxınlığında güclənəcək, digərləri isə qütblər yaxınlığında zəifləyəcək. Bu, bütün enliklərdə mövsümi hava hadisələri üçün ciddi nəticələrə səbəb olardı.
Yeganə
Son şərhlər