Macarıstan baş naziri Viktor Orban ölkənin enerji obyektlərini Ukraynanın mümkün hücumlarından hərbi qoruma ilə təmin edəcəyini bildirib.
Elchi.az xəbər verir ki, bu barədə o, ölkənin Müdafiə Şurasının iclasından sonra açıqlama verib.
Orban qeyd edib ki, Ukraynanın Macarıstanın enerji təhlükəsizliyini sarsıtmaq cəhdləri ilə bağlı “kritik əhəmiyyətli enerji infrastrukturunun qorunmasını gücləndirməyi əmr edib”.
“Bu o deməkdir ki, vacib enerji obyektlərinin yaxınlığında hücumları dəf etmək üçün hərbi hissələr və zəruri vasitələr yerləşdiriləcək. Polis müəyyən elektrik stansiyaları, paylama mərkəzləri və dispetçer mərkəzlərinin yaxınlığında gücləndirilmiş patrul xidməti həyata keçirəcək. Ölkənin şimal-şərqində, Sabolç-Satmar-Bereq bölgəsində dron uçuşlarına qadağa tətbiq olunub”, – deyə Orban M1 kanalında yayımlanan video müraciətində bildirib.
Məryəm
