“Elan olunan rəsmi məlumatlara baxsaq görərik ki, atmosferin çirklənməsində 80 faizə qədər avtomobil nəqliyyatının, qalan 20 faizi sənaye sahəsinin öhdəsinə düşür. Rəsmi məlumatlarda çirklənmə həddi daha yüksəkdir”- bu sözləri Elchi.az-a açıqlamasında Kimya elmləri üzrə fəlsəfə doktoru, ekolog Sadiq Həsənov deyib.
Ekolog Azərbaycanda Avtomobil nəqliyyatı parkı həddindən artıq yaşlı olduğunu deyir: “Son araşdırmalara görə 1 milyon 566 min avtomobil vasitəsi var,onların 3-dən biri təxminən 38/40 faiz ə qədəri Sovet Rusiya istehsalı olan avtomabillərdir. Hansı ki, həm illəri həddindən artıq çoxdur, eyni zamanda ekoloji normalara qəti şəkildə cavab vermir. Xüsusilə bu həcmdə 600 minə yaxın avtomobil nəqliyyat vasitəsi olan ölkədə bu nəqliyyat vasitələrin havanın çirkləndirilməsi atmosferə daha yüksək səviyyədə təsir edir. Aparılan tədqiqatlar onu göstərir ki, Azərbaycanda 5 faiz avtomobil nəqliyyat vasitəsinin ili 5 ilə qədərdir, 15 faizi isə 5 ildən 10 ilə qədərdir. 80 faiz nəqliyyat vasitələrinin ümumi yaşı 10 ildən artıqdır. Qeyd etdiyim kimi köhnə avtomobillər 20 hətta 30 /40 il istifadə olunan avtomobil nəqliyyat vasitələri istifadədir. Bu nəqliyyat vasitələrin ekoloji normalara cavab vermir. Katalizator sistemi kifayət qədər işləmir. Ekoloji normalara nəzarət edən qurumlar ətraf mühitin mühafizə ilə bağlı ciddi tədbirlər görmədiklərini görə bu cür nəqliyyat vasitəlrin sayı həddindən artıqdır”.
Havar Şəfiyeva