Türkiyə hökuməti ilə PKK arasında gedən “Həll prosesi”ndə fəal iştirak edən HDP heyəti baş nazirlik binasında dövlət rəsmiləri ilə görüş keçirib.
Musavat.com-un mlumatına görə, görüşdən sonra hökumət rəsmisi və HDP heyəti ortaq açıqlama verib. Açıqlamada PKK lideri Abdullah Öcalanın növbədənkənar qurultay çağırışı etdiyi bildirilib. Qurultayda PKK-nın silahları yerə qoymasının müzakirə olunacağı gözlənilir. Hökumət rəsmiləri ilə HDP-nin ortaq açıqlaması Türkiyə tarixində ilk dəfədir ki, baş tutur.
Hökumət adından baş nazirin müavini, HDP adından isə Sirri Süreyya çıxış edib. Baş nazirin müavini Yalçın Akdoğan bildirib ki, silahların yerə qoyulması prosesinin sürətlənməsi və küçə aksiyalarına son verilməsi üçün bu açıqlama çox vacibdir.
Son şərhlər