Norveç Rusiyaya qarşı növbəti sanksiyalar paketini tətbiq edib.
Elchi.az xəbər verir ki, bu barədə krallığın Xarici İşlər Nazirliyi məlumat yayıb.
“Bu paket, Norveçin siyasi olaraq qoşulduğu (8 may 2026-cı il tarixində) Avropa İttifaqının 20-ci sanksiyalar paketinə uyğundur. Sanksiyalar bir sıra tədbirləri əhatə edir və energetika ilə maliyyə sektorlarına yönəlib. Onlar həmçinin sanksiyalardan yayınma hallarının qarşısının alınması və hərbi-sənaye kompleksinin daha da zəiflədilməsinə yönəlmiş tədbirləri ehtiva edir”, — deyə XİN-in mətbuat xidməti bildirir.
Sanksiyalar iyulun 14-dən qüvvəyə minir.
“Bu paketlə biz banklara, kriptoxidmətlərə, mayeləşdirilmiş təbii qaz (MTQ) sektoruna, “kölgə donanmaları”na və üçüncü ölkələr vasitəsilə sanksiyalardan yayınmağa şərait yaradan iştirakçılara qarşı əlavə tədbirlər tətbiq edirik. Biz həmçinin Aİ-nin Rusiyanın təsirini məhdudlaşdırmaq və sanksiyalardan yayınmanın qarşısını almaq səylərini izləyirik. Məqsəd Rusiya üzərindəki iqtisadi təzyiqi gücləndirmək və onun Ukraynaya qarşı müharibə aparmasını və bunu maliyyələşdirməsini çətinləşdirməkdir”, — deyə xarici işlər naziri Espen Bart Eyde şərh verib.
Məryəm
