Virtualaz.org inopressa-ya istinadən bildirir ki, bu barədə o, “Bild” alman nəşrinə müsahibəsində söyləyib.

O bildirib ki, ötən ilin payızında Yuxarı Bavariya kəndlərindən birində Rusiya müxalifətinin indiki və əvvəlki liderlərinin iştirakı ilə üç günlük gizli görüş təşkil edib. Görüşdə Boris Nemtsov, Mixail Xodorkovski və adını çəkmək istəmədiyi Rusiya hökumətinin bir çox digər keçmiş üzvləri də iştirak ediblər.

“Söhbət zamanı müxalifətçilər “Putin hakimiyyətini necə sındırmağın yolunu” axtarıblar”, – deyə məlumatda qeyd edilir.

Ən maraqlısı odur ki, görüş iştirakçılarından biri – keçmiş gürcü nazir və Rusiya prezidentinin düşməni Kaxa Bendukidze həmin görüşdən cəmi bir neçə həftə sonra guya ürək problemindən dünyasını dəyişib.

“Qorxuram ki, o və Nemtsov siyahıda öz həyatları ilə vidalaşan heç də sonuncu şəxslər deyillər”, – deyə Kox vurğulayıb.