Azərbaycan və Çeçenistan vətəndaşları arasında Moskvadakı “Neolit” kafesində fevralın 14-də baş verən kütləvi dava işi üzrə məşhur islam bloqeri Əlibəy Mirzəxanov saxlanılıb.
Virtualaz.org “Dojd” telekanalına istinadla bildirir ki, onun İnstaqram səhifəsinin 100 mindən çox abunəçisi var.
Ə.Mirzəxanovun qardaşı bildirib ki, təxminən 20 polis əməkdaşı Əlibəyin yaşadığı mənzilə girib və onu yerə uzadaraq döyüblər. Onlar mənzili axtarıb, bütün avadanlıqları ələ keçiriblər, sonra isə tutulan şəxsləri naməlum istiqamətə aparıblar.
Mirzəxanovun qohumlarına verilən qərarda bildirilib ki, o, “bir qrup şəxs tərəfindən qabaqcadan hazırlanmış fitnə-fəsadda” şübhəli bilinir. Saxlanılanın yaxınları iddia edirlər ki, Əlibəy “Neolit” kafesindəki davada iştirak etməyib, onlar onunla bağlı axtarışın əsaslandırıldığı səbəbi “uydurma və formal” adlandırıblar.
Mirzəxanovun yeri, demək olar ki, bir gün məlum olmayıb. O yalnız fevralın 17-də gecə zəng edib və bildirib ki, “Peçatniki” polis şöbəsindədir, vəziyyəti çox pisdir və xahiş edib ki, onun üçün vəkil tutsunlar.
Bununla belə, adıçəkilən polis şöbəsindən “Dojd” telekanalı müxbirinin zənginə cavab verərək bildiriblər ki, onlarda Mirzəxanov soyadlı saxlanılan yoxdur.
Son şərhlər