Antireytinqdə ikinci yeri müxalifətçi Şor partiyasının lideri İlan Şor 14,3% mənfi səslə tutur.
Elchi.az xəbər verir ki, Moldova siyasətçilərinin antireytinqinə respublika prezidenti Maia Sandu başçılıq edib. Sosial və siyasi elmlər sahəsində tədqiqatlarla məşğul olan “Intellect” qrupunun sorğusuna əsasən respondentlərin 42%-i bunun “respublikadakı siyasi həyatı gözdən saldığını” hesab edir.
Antireytinqdə ikinci yeri 14,3% mənfi səslə müxalif “Şor” partiyasının lideri İlan Şor tutur. Üçüncü yerdə isə sosialistlərdən olan eks-prezident İqor Dodon qərarlaşıb. Əhalinin 13,9%-i onu ən uğursuz siyasətçi hesab edir.
Eyni zamanda, sorğu göstərib ki, moldovalıların 60%-dən çoxu 2022-ci ildə ölkədə baş verən dəyişiklikləri mənfi qiymətləndirir. Respondentlərlə həyatın bir il ərzində necə dəyişdiyi mövzusunda müsahibə aparılıb.
Respondentlərin 36,9%-i dəyişiklikləri çox mənfi, 26,3%-i mənfi qiymətləndirib. Onları respondentlərin 18,7%-i müsbət, 9,1%-i çox müsbət qiymətləndirib, 5,4%-i isə heç bir dəyişiklik hiss etməyib. 3,6% bu suala cavab verə bilməyib.
Sorğu dekabrın 1-dən 20-dək olan müddətdə 1209 respondentin iştirakı ilə keçirilib. İntellekt qrupuna görə səhv 2,9% təşkil edir.
Xatırladaq ki, noyabrın 6-da 50 mindən çox Moldova sakini mitinqin keçirildiyi Kişinyovun mərkəzi meydanına getməyə çalışıb. Yürüş təşkilatçılarından biri, müxalif Şor Partiyasının nümayəndəsi Dinu Turcanu bildirib ki, polis etirazçıların hərəkətini əngəlləyib.
“50 mindən çox insan öz fikrini ifadə etmək hüququnu dinc şəkildə həyata keçirmək üçün gəlib. Polis bizim ifadə azadlığı hüququmuzu pozur. Maia Sandu (Moldova prezidenti) rejimi xalq etirazlarından qorxur”, – Turcanu bildirib.
Şayəstə