ABŞ-ın Sakit okeanda Çinə qarşı ən böyük müttəfiqi kimi gördüyü Hindistanın baş naziri Narendra Modinin iyunun 21-də Vaşinqtona səfəri ilə ikitərəfli münasibətlərin növbəti mərhələyə keçdiyi bildirilir.
Elchi.az xəbər verir ki, təxminən 1 milyard 408 milyon əhalisi olan Hindistan Çini geridə qoyaraq dünyanın ən sıx məskunlaşdığı ölkəyə çevrilmiş, iqtisadi potensialı ilə ilk 5 ölkə arasında olmaqla həm regionun, həm də dünyanın ən ciddi və əvəzolunmaz aktyorlarından birinə çevrilmişdir.
ABŞ region ölkələrini AUKUS və QUAD kimi ittifaqlarla bir araya gətirərək, Çini cilovlamaq üçün atdığı addımları artıraraq və təsirini azaltmaqla bölgədəki təsirini dərinləşdirməyə çalışarkən, digər tərəfdən Hindistanı uzaqlaşdırmağı hədəfləyir.
Hindistan və ABŞ arasında demokratiya və insan haqları kimi bəzi məsələlərdə ziddiyyətlər olsa da, Co Bayden administrasiyası ABŞ-ın keçmiş prezidenti Donald Tramp kimi Hindistanı regiondakı maraqları və təhlükəsizlik siyasəti üçün zəruri hesab edir.
Vaşinqton Nyu Dehlini Sakit okeanda Pekinə qarşı ən böyük “kozır” olaraq görsə də, Hindistan tərəfi Çinin regionda artan nüfuzu və qarşılıqlı can itkisi ilə nəticələnən sərhəd problemlərinə görə Vaşinqtonun dəstəyinə önəm verir.
Şayəstə Hüseynova
Son şərhlər