Misirin xarici işlər naziri Sameh Shoukry ABŞ-ın PBS kanalına müsahibəsində İsrailin Rəfaha hücumu ilə bağlı xəbərdarlıq edib.
Elchi.az xəbər verir ki, Misirin xarici işlər naziri Rəfaha hücumun Qəzza böhranına və həmçinin Misirin təhlükəsizliyinə “ciddi əks-səda” verəcəyini bildirib.
Fələstinlilərin Qəzza zolağından Sinaya qaçma ehtimalına toxunan Şükri bildirib ki, fələstinlilərin Misir ərazisinə sıxışdırılması “qırmızı xətt”dir.
Qahirədə aparılan danışıqlara gəlincə, nazir danışıqların məhsuldar keçdiyini və Misirin müvəqqəti də olsa, atəşkəs üçün səylərini davam etdirəcəyini bildirib.
Nuranə Məmmədova