Miller qaz qovşağını Türkiyəyə səfərinin əsas nəticəsi adlandırıb

Yeni boru kəməri ilə itirilmiş tranzit həcmini “Şimal axını” vasitəsilə göndərmək planlaşdırılır.
“Qazprom”un rəhbəri Aleksey Miller qaz qovşağını Türkiyəyə səfərinin əsas nəticəsi adlandırıb.
Elchi.az xəbər verir ki, “Türkiyəyə səfərinin əsas nəticələri ilə bağlı medianın sualını cavablandıran Aleksey Miller deyib: “Əlbəttə, bu, qaz qovşağıdır”, – məlumatda deyilir.
Bundan əvvəl bildirilmişdi ki, Miller Türkiyə prezidenti Rəcəb Tayyib Ərdoğan və Türkiyənin energetika naziri Fatih Dönməzlə görüşündə Rusiya qazının respublikaya tədarükü və qaz qovşağının yaradılması perspektivlərini müzakirə edib.
Türkiyə ərazisində “Şimal axını” ilə itirilmiş tranzit həcminin yönləndirilə biləcəyi qovşaq yaratmaq ideyası ilə Rusiya prezidenti Vladimir Putin “Rusiya Enerji Həftəsi” forumunda çıxış edib. Onun sözlərinə görə, söhbət Türkiyədə daha bir boru kəməri sisteminin qurulması və qovşağın yaradılması imkanından gedir ki, onlar bunda maraqlı olarsa, üçüncü ölkələrə, ilk növbədə Avropa ölkələrinə qaz nəql olunacaq. Bu məsələ oktyabrın 13-də Rusiya və Türkiyə prezidentlərinin Asiyada Qarşılıqlı Fəaliyyət və Etimad Tədbirləri üzrə Müşavirənin sammiti çərçivəsində Astanada keçirilən görüşündə müzakirə olunub.

Şayəstə