Ukrayna ərazi məsələlərini müzakirə etməyə hazırdır, lakin döyüş təmas xətti başlanğıc nöqtəsi olmalıdır.
Elchi.az TASS-a istinadən xəbər verir ki, bunu Almaniya kansleri Fridrix Merz Avropa liderləri ilə ABŞ prezidenti Donald Tramp arasında keçirilən videokonfransdan sonra jurnalistlərə deyib.
Avqustun 12-də Ağ Evin mətbuat katibi Caroline Levitt brifinq zamanı Rusiya ilə Ukrayna arasında ərazilərin mübadiləsi ilə bağlı suala cavab verməkdən imtina edib. O qeyd edib ki, təfərrüatlara varmaq istəmir, çünki avqustun 15-də Alyaskada Rusiya və ABŞ prezidentləri Vladimir Putin və Donald Tramp arasında bu mövzu müzakirə olunacaq.
Bundan əvvəl Ukrayna prezidenti Vladimir Zelenski münaqişənin mümkün həlli çərçivəsində Rusiya ilə hər hansı ərazi mübadiləsini rədd edib. Ukrayna lideri vurğulayıb ki, Kiyevin ərazilərlə bağlı mövqeyi ölkə konstitusiyasında təsbit olunub və heç kim bundan kənara çıxmayacaq. Zelenski ukraynalıların torpaqlarını “verməyəcəklərini” vurğulayıb.
Nuranə Məmmədova
