Şənbə günü səhər tezdən Alyaska səmasını seyr edən şimal işıqları həvəskarları, auroranın ortasında qalaktikaya bənzəyən açıq mavi spiralın görünməsi qarşısında heyrətə gəldilər. Spiralın yaranmasının səbəbinin Kaliforniyadan atılan SpaceX raketindən ayrılan artıq yanacaq olduğu izah edilib.
Elchi.az xəbər verirr ki, Alyaska Universitetinin Fairbanks Geofizika İnstitutunun elmi işçisi, kosmos fizikası Don Hampton bildirib ki, bəzən raketlərdə yanacaq atmaq lazımdır.
“Onlar bunu yüksək hündürlükdə etdikdə, o yanacaq buza çevrilir. Əgər günəş işığındadırsa, onu bir növ böyük bulud və ya burulğan kimi görmək mümkündür.”
Hampton adi bir mənzərə olmasa da, bu cür hadisələri təxminən üç dəfə gördüyünü söylədi.
Burulğanın görünüşü Geofizika İnstitutunun bütün səma kamerasında vaxtaşırı çəkilib və sosial mediada yayılıb.
Şimal işıqlarını izləyən fotoqraflar sosial şəbəkələrdə burulğanın şəkillərini də yerləşdiriblər.
SpaceX raketi təxminən 25 peyklə birlikdə cümə günü gecə Kaliforniyadakı Vandenberq kosmodromundan havaya qalxıb.
Şayəstə
Son şərhlər