Mask Rusiya ordusunun Starlink-dən istifadəsi ilə bağlı şərhlərindən sonra Sikorskini axmaq adlandırdı.
Elchi.az xəbər verir ki, Amerikalı sahibkar İlon Mask Ukraynada Rusiya qoşunlarının Starlink-dən istifadə etməsi ilə bağlı şərhlərindən sonra Polşa xarici işlər naziri Radoslav Sikorskini sosial media platforması X-də “ağız suyu axan axmaq” adlandırdı.
Polşalı nazir əvvəllər “sərt adam Mask”dan Rusiyanın Ukrayna şəhərlərini hədəf almaq üçün Starlink-dən istifadə etməsinin qarşısını almağı tələb etmişdi. Sikorskinin sözlərinə görə, “müharibə cinayətlərindən faydalanmaq” multimilyarderin imicinə ciddi şəkildə xələl gətirə bilər.
Bu açıqlamanı şərh edən SpaceX rəhbəri, onun Starlink-inin Ukrayna Silahlı Qüvvələri üçün “hərbi rabitənin onurğası” olduğunu vurğuladı.
27 yanvarda Ukraynanın müdafiə naziri Mixaylo Fedorov Rusiya dronlarının Starlink peyk sistemləri ilə təchiz olunduğunu açıqladı.
Bir gün əvvəl Ukrayna müdafiə nazirinin müşaviri Sergey Beskrestnov bildirib ki, Starlink-lə təchiz olunmuş Rusiyanın BM-35 hücum dronları artıq Dneprə çata bilər.
Şayəstə
