Malayziyanın din naziri Naim Mohtar bildirib ki, ölkənin dövlət orqanları LGBT-nin qarşısını almaq üçün addımlar atır.
Elchi.az News.am-a istinadən bildirir ki, hökumətin strateji addımlarından biri xüsusi müsəlman komitəsinin yaradılması olacaq. Bu barədə “Malaysian Star” portalı məlumat verib.
“Hökumət Malayziyada LGBT məsələləri üzrə xüsusi müsəlman komitəsinin yaradılması təşəbbüsü ilə çıxış edib. Komitə ildə bir dəfədən az olmayaraq və ya zərurət yarandıqda toplanır. Onun tərkibinə bu mədəniyyətin yayılmasının qarşısını almaq üçün LGBT məsələlərini koordinasiya edəcək nazirliklərin, idarələrin, agentliklərin və qeyri-hökumət təşkilatlarının nümayəndələri daxil olacaq”, – deyə portal Mohtarın bəyanatından sitat gətirib.
Mohtarın sözlərinə görə, bu addım Malayziyada LGBT mədəniyyətinin tənzimlənməsindən qaçmaq üçün lazımdır. O, əlavə edib ki, ölkədə LGBT mədəniyyətinin yayılmasının qarşısının alınmasında gənclər və idman, eləcə də səhiyyə nazirlikləri iştirak edəcək.
Nazir vurğulayıb ki, LGBT mədəniyyəti qanun baxımından qəbuledilməz olsa da, hökumət bu qrupun Malayziya konstitusiyasında təsbit olunmuş əsas hüquqlarını pozmur.
Yeganə