18 may tarixində “Mainz Azərbaycan” cəmiyyəti Laçin və digər rayonların işğalı ilə əlaqədar Almaniyanın Mainz şəhərində toplantı keçirərək, Anım mərasimi təşkil edib.
Toplantıda azərbaycanlılarla yanaşı, Mainz şəhərində yaşayan Anadolu türkləri də aktiv şəkildə iştirak ediblər.
Musavat.com-a tədbir təşkilatçıları tərəfindən göndərilən məlumatda bildirilir ki, anım mərasiminin məqsədi Azərbaycanın işğal edilən rayonlarının sakinlərinin başlarına gətrilmiş ağır faciələri burada yaşayan türklərə və dünya ictimaiyyətinə oldugu kimi catdırmaq ,Türk dünyasına yönəlik sözdə erməni soyqırımı kimi yalanların, iftiraların qarşısının alınması məqsədi ilə Avropada geniş şəkildə təbliğat başlatmaqdır… Mainz Azərbaycan Cəmiyyəti bu olaylarla bağlı yeni bir hərəkat başlatmaq qərarına gələrək, bu cür təbirləri genişləndirilmiş şəkildə davam etdirməyi qərara alıb.. Tədbirdə təqdim olunan məruzədə erməni xisləti geniş faktlarla, sübutlarlac iştirakçıların diqqətinə çatdırılıb. Bu da onlar tərəfindən təqdirlə qarşılanıb. Anım törənində iştirak edən Anadolu türkləri Azərbaycanla bərabər olduqlarını xüsusi ilə vurğulayıblar..
Mainz Yabançılar Məclisinin üzvü Sarvan Rizvanov, Mainz Azərbaycan Cəmiyyəti idarə heyətinin üzvü Əhməd Cəlaloğlu, Mainz Azərbaycan Cəmiyyətinin sədri Yusif Abulov, NATO Əməkdaşlıq institutunun rəhbəri Fərrux Məmmədov tədbirdə geniş nitqlə çıxış edərək, 18 may 1992-ci ildə Laçının işğalı haqqında və erməni təcavüzü, vandalizmi haqqında iştirakçıları məlumatlandırıblar..
Sonra Mainzdəki Türk Camisinin imamı işğal zamanı ölən və şəhid olmuş soydaşlarımızın ruhlarına Yasin oxuyaraq, Allahdan rəhmət diləyib…
Anım mərasimində Almaniyada fəaliyyət göstərən Türk Dərnəkləri ilə bir yerdə Azərbaycanın başına gətirilən faciələrin dünya ictimaiyyətinə çatdırılması ilə bağlı qərar qəbul olunub..
“Allah bütün şəhidlərimizə rəhmət etsin. Torpaqlarımızın azadlığı üçün xalqımıza cəsarət və əzim Arzulayırıq… Mainz Azərbaycan cəmiyyəti”, deyə, bizə göndərilən məlumatın sonunda vurğulanır.
Son şərhlər