Madurodan ABŞ-a sərt cavab! “Silahlı mübarizə mərhələsinə keçəcəyik”

Venesuela prezidenti Maduro: Venesuelaya hücum edilərsə, silahlı mübarizə mərhələsinə qədəm qoyacaq.
Elchi.az xəbər verir ki, Venesuela prezidenti Maduro ABŞ-a sərt cavab verib.
Maduro, “Venesuelaya hücum edilərsə, silahlı mübarizə mərhələsinə keçəcək” dedi.
Paytaxt Karakasda hərbi komandirlərlə görüşən Maduro ABŞ prezidenti Donald Trampın “təyyarələrinizi vuracağıq” təhdidinə cavab verib.
Maduro, “Hazırda silahsız mübarizə mərhələsindəyik. Bu, siyasi, kommunikasiya və təşkilati bir mərhələdir. Venesuelaya hücum edilərsə, silahlı mübarizə mərhələsinə girəcək” dedi. Maduro ölkəsinin səfərbərlik prosesində olduğunu vurğulayaraq deyib:

“Biz sülhməramlıyıq, lakin biz həm də döyüşçü xalqıq. Heç kim bizi nə bu gün, nə də gələcəkdə əsarət altına ala bilməz. Birləşmiş Ştatlar Venesuelada zorakı rejim dəyişikliyi planlarından əl çəkməlidir. Hücum baş verərsə, xalqımız milli, yerli və regional səviyyədə planlı və mütəşəkkil silahlı mübarizə mərhələsinə keçəcək”.
Maduro Venesuela xalqına hörmət olunmaq şərti ilə hər zaman dialoq və danışıqlara açıq olduqlarını vurğulayıb.
ABŞ-ın Karib dənizindəki hərbi fəaliyyətinə də toxunan Maduro, “Venesuellanın Karib dənizindəki ərazi suları xalqa məxsusdur. Sui-qəsdlər, təhdidlər, çevrilişlər və müdaxilələr Karib hövzəsi və Cənubi Amerikaya qayıtmamalıdır” dedi.
Bolivar Milli Silahlı Qüvvələrinin zorakılığa təhrik edən quldur dəstələri və Kolumbiyalı muzdlulara qarşı böyük qələbələr qazandığına diqqət çəkən Maduro, Bolivar Venesuela xalqının şərəf və ləyaqətini müdafiə etməyə hər zaman hazır olduqlarını bildirib. ABŞ prezidenti Tramp iki Venesuela döyüş təyyarəsinin ABŞ donanmasının gəmisinin yaxınlığından uçmasına reaksiya verərək, “Əgər bizi təhlükəli vəziyyətə salsalar, o təyyarələr vurulacaq” deyib. Venesuela döyüş təyyarələrinin ABŞ-ın donanma varlıqlarına yaxın uçması ilə bağlı fikirləri ilə bağlı sualı cavablandıran Tramp, “Düşünürəm ki, onların problemi olacaq. Biz onlara bunu deyirik. Təhlükəli mövqedə uçsalar, nə etmək istədiklərinə kapitanlarımız özləri qərar verəcəklər” deyib.