Prezident məmurlara dəfələrlə xəbərdarlıq etməsinə baxmayaraq, məmurlar korrupsiya və rüşvətdən əldə etdikləri pulla kasıb vətəndaşlara göz dağı verməkdə davam edirlər
Ağcabədi rayon 33 saylı Yol İstismar İdarəsinin müdiri Vidadi Hüseynov ilin günün bu vaxtı özünə təzə “LEXSUS” oğlu Fərid Hüseynova isə son model “RANGE ROVER” avtomobili alıb.
Bu barədə Ağcabədidən AzFakt.com-a daxil məlumata görə idarə müdiri özü əvəllər “LEXSUS” oğlu isə “PRADO” avtomobilindən istifadə edirmiş. Lakin son zamanlar milli valyutanın qiymətinin aşağı düşəcəyi ilə bağlı gəzən söz söhbətdən sonra Vidadi Hüseynov köhnə markalı maşınlarını yenisi ilə əvəzləməyə qarar verib. Mənbə bildirir ki, bu yolla yol idarəsinin müdiri əlində olan külli miqdarda nəqd pulu realizə edib. Buna baxmayraq idarə müdirinin əlində yenə də həddindən artıq nəqd vəsait qaldığına görə hazırda Bakıda bir neçə evə baxış keçirib və verilən məlumata görə Vidadi Hüseynov Bakı şəhərində iki ya da üç ev almaq istəyir. Həmin evlərdən birinin artıq oğlunun digərinin isə qohumunun adına sənədləşdirməyə başladığı qeyd olunur. Bundan əlavə Vidadi Hüseynovun Bakı şəhərində 3 evi olduğu bildirilir.
Əldə etdiyimiz məlumatda qeyd olunur ki, 33 saylı Yol İstismar İdarəsinin müdiri iki avtomobilə ümumilikdə 130 min manat xərc çəkib. Əmək haqqısı 475 manat olan bir məmurun avtomobillərinə 130 min manat xərcləməsi Vidadi Hüseynovun sıradan bir korrupsioner olmadığına dəlalət edir. Bundan əlavə idarə müdirinin Bakı şəhərində dəyəri 150-200 min manat arasında olan 3 evə sahib olması da Vidadi Hüseynovun dövlət büdcəsindən nə qədər vəsait mənimsəməsinin göstəricisidir.
Bildirək ki, bir qayda olaraq Ağcabədi rayonunda həyata keçirilən yol təmir tikinti işlərinin tender satışı rayon icra hakimiyyəti vasitəsi ilə məhz Vidadi Hüseynovun 33 saylı Yol İstismar İdarəsinə və oğluna məxsus “Fərid Ağcabədi” MMC şirkətinə verilir. Son 3 ildə 33 saylı Yol istismar İdarəsi və “Fərid Ağcabədi” MMC milyonlarla manatlıq tenderin qalibi olub. Həyata keçirilən bir çox tenderlərdə isə külli miqdarda dövlət vəsaitinin mənimsənildiyi dəfələrlə mətbuat orqanlarında işıqlandırılıb.
AzFakt.com-a məlumat verən mənbə bildirir ki, Vidadi Hüseynov avtomobilləri ilə bərabər rayonun təqribən 3 ay əvvəl Ağdam istiqaməti çıxacağında yanacaq doldurma məntəqəsi açıb. Bundan başqa idarə müdirinə özünə məxsus asfalt zavodunu da yeniləyib.
Məlumatda qeyd olunur ki, Vidadi Hüseynov 33 saylı Yol istismar İdarəsinin balansında olan karyerin qumunu, qrabilini idarənin aftomobilləri və şəxsi kamazalrla paytaxta və digər rayonlara daşıtdırıb satmaqla məşğuldur. Təkcə qrabil, qum satışından Vidadi Hüseynov ayda 5 min manata yaxın qazanc əldə etdiyi deyilir.
Qeyd edək ki, Vidadi Hüseynovun həyata keçirdiyi maxinasiyalar, biznesi və dövlətdən oğurladığı milyonlar hesabına əldə etdiyi mülkləri, obyektləri ilə bağlı saytımıza daxil olan ilginc informasiyanı araşdırdıqdan sonra oxucularımıza təqdim edəcəyik.
Yazıda adı keçən şəxslərin mövqeyini dərc etməyə hazırıq.///AzFakt.com
