Məcburi köçkündən prezidentə müraciət: “Onlar üçün qanunlar yox, kimlərinsə tapşırığı əhəmiyyət kəsb edir”
Möhtərəm Cənab prezident!
Sizə müraciət etməkdə məqsədim Bərdə rayon Polis idarəsinin maliyyə təsərrüfat şöbəsinin keçmiş rəisi, polis mayoru Soltanov Kərim İsmayıl oğlunun qanunsuz əməlləri və hərəkətlərilə dövlətin vəsaitini oğurluq yolu ilə mənimsəməsi ilə bağlıdır. Belə ki, Soltanov Kərimin evindən oğlu Məhəmməd, gəlini Zümrüd, digər polisdə işləyən oğlu, qohumu Yaşar və Asif əlbir olaraq seyfi oğurlayaraq külli miqdarda vəsaiti mənimsəmişlər. Hadisənin 2018 – ci ilin yanvar ayında baş verməsinə baxmayaraq Soltanov Kərim öz oğlunu qorumaq naminə heç bir hüquq mühafizə orqanlarına şikayət etməmişdir. Çünki oğlu Məhəmməd hadisəni törətdikdən sonra Bakıya qaçmışdır.
Soltanov Kərim özünün və digər oğlu Ramiq Soltanovun imicinə xələl gəlməsin deyə şikayətçi olmamışdır.
Ancaq iyun ayında Kərim Soltanov hadisəni törədənlərdən biri Asif Əzizovu ələ alandan sonra oğlum Təbriz və qızım Manyanın üzünə duraraq hadisəni birlikdə törətdiklərini iddia etmişdir.
Həmçinin hərbi prokurorluğun müstəntiqi Nihat Şıxəliyev həyat yoldaşım Gültəkin Əbilovanı nahaqdan həbsə alaraq Kərim Soltanova xoş münasibət göstərmişlər.
Cənab Prezident!
Biz çox yaxşı bilirik ki, Siz dəfələrlə məmur özbaşınalığına qarşı sərt tədbirlər görülməsi üçün göstərişlər vermisiz. Ancaq bu gün müstəntiq Nihat Şıxəliyev və onun köməkçisi Şahin bizə sual verir ki, adamınız yoxdur ki, “yuxarılar”a xahiş etsin, qadını, yəni mənim yoldaşım Gültəkin Əbilovanı buraxaq? Onun heç bir günahı yoxdur, amma buraxa bilmərəm. Görünür, belə məmurlar üçün qanunlar yox, kimlərinsə tapşırığı daha çox əhəmiyyət kəsb edir.
Cənab Prezident!
Belə məmurların özbaşınalığı nəticəsində mənim xanımım Gültəkin Əbilova yeni ili türmədə qarşılamalı olacaq. Sizdən xahişim budur ki, üzləşdiyimiz problemi nəzarətə götürəsiniz, Kərim Soltanovun, oğlu Ramiq Soltanovun, qardaşıoğlu Fəzail Soltanovun qanunsuz əməlləri araşdırılsın, müstəntiq Nihat Şıxəliyevin yoldaşım Gültəkin Əbilovanı nahaqdan həbsə almasına hüquqi qiymət verilsin və yoldaşım Gültəkin qanunsuz həbsdən azad edilsin.
Hörmətlə, Möhlət Əbilov,
Ağdam rayonundan məcburi köçkün
Son şərhlər