Çinin Baş naziri “Li Çanq”, Avropada iqtisadi təhlükəsizliklə bağlı narahatlıqların artdığı bir vaxtda Almaniya və Fransaya etdiyi səfərlərdə risklərin qəbulu istiqamətində açıqlığın və əməkdaşlığın inkişaf etdirilməsi çağırışı edib.
Elchi.az xəbər verir ki, mart ayında vəzifəyə başlayan Baş nazir “Li” ilk xaricə səfərini Almaniya və Fransaya edərək, ABŞ ilə rəqabətin və gərginliyin artdığı bir vaxtda Çinin Avropanın “strateji muxtariyyətini” dəstəklədiyi mesajını verib.
Həftənin əvvəlindən Almaniya və Fransada təmasda olan “Li” Almaniyada prezident “Frank-Valter Ştaynmayer” və həmkarı “Olaf Şolts”, Fransada prezident “Emmanuel Makron” və həmkarı “Elizabeth Borne” ilə görüşüb.
Almaniyalı həmkarı ilə Berlində Çin-Almaniya hökumətlərarası məsləhət konfransı keçirən və Parisdə Fransa hökumətinin ev sahibliyi etdiyi Yeni Qlobal Maliyyə Paktı Sammitinə qatılan “Li”, hər iki ölkənin iş adamları ilə görüşüb.
Çinin baş nazirinin Avropaya səfərlərinin ABŞ dövlət katibi “Antoni Blinken”in Pekinə səfəri ilə üst-üstə düşməsi diqqət çəkib.
Nuranə Məmmədova
Son şərhlər