Kimliyindən və xidmətlərindən asılı olmayaraq, Azərbaycanın milli maraqlarını tapdayan, milli mənafeyimizin əleyhinə fəaliyyət göstərən istənilən şəxs cəzasını almalıdır. Baş Prokurorluq və MTN tərəfindən Leyla Yunusa qarşı irəli sürülən ittihamların doğru olduğunu düşünürəm”.
Bu fikirləri SİA-ya açıqlamasında Milli Dirçəliş Hərəkatı Partiyasının (MDHP) sədri, millət vəkili Fərəc Quliyev bildirib.
O qeyd edib ki, L.Yunusun ermənilərlə əlaqəsinə “xalq diplomatiyası” donunu geyindirmək istəyənlər var: “Amma hər hansı bir QHT xalqın adından danışa, hansısa məxfi razılaşmalara gedə və düşmənlərimizlə bu və ya digər formada əlaqələr qura bilməz. Xalqımız düşmənlərimizlə də danışmaq üçün mandatı bir şəxsə-dövlət başçısına verib. İndi müxtəlif adlar altında düşmənlərimizlə əlaqələr qurmaq bizim milli mənafeyimizə tamamilə ziddir. L.Yunus və bunun kimilər ermənilərlə elə əlaqələr qururlar ki, bu düşmənlərimizi ruhlandırır. Bütün bunlara görə, L.Yunus qanun qarşısında cavab verməlidir”.